الفرق بين البنت العربجيه والبنت الناعمه....؟؟

سلامـــــــــــــــــــــي للجميع...

اول شيء نبدا فيه الناعمه

الناعمه..طبعا وهي نايمه الدبدوب والارنوب كلهم في حظنها ما شاء الله صارت الغرفه محل العاب واذا قامت من النوم ما تقوم الا الساعه1 الظهر لا بعد واللي يصحيها الشغاله تقومها بالانجليزي ...بس انا راح اترجمه لكم ....
{يالله مرام قوم ماما في قول قوم }
عاد هي تقول اوكي وتجي امها وتصحيها مره ثانيه يا مرام حبيبتي اصحي ..
ترد مرام.. ماما والله بدري الساعه 1 الظهر بدرررررررررري(تدلع هي وخشتها.. )

قامت البنت من السرير وفتحت الستاره والشبابيك ... علشان الغرفه تتنفس ...وراحت تاخذ حمام محترم وبعد ما تطلع من الحمام و على المرايه تحط من هالكريمات والدعافيس على وجهها ....

تعرفون لازم تحافظ على البشره خلصت من المرايه وتتجه الان الى الاستشوار وش..وش..وش.. وش لحــــــــــــــــول ساعتين عز الله اللي اندمرت هالشوشه... خلصت منه دقت البست ونزلت تحت تفطر على كاس عصير برتقال ..... مسويه رجيــــــــــــــــم -------------------------------------
نجي للعربجيه

..تقوم الساعه 8 الصبح وهي ما ودها تقوم .. وجات امها تقومها .. يا سوير قومي يا مال الحمى
لحــــــــــول زين زيــــــــــــــن ...تنفخ بعد....

بس لو تشوفون شكلها وهي نايمه.. كراع هنا وكراع هناك .. لا وكل ثلاث ساعات وهي طايحه من السرير
يجي اخوها حميد (اسمه محمد بس يدلعونه حميد )
ويقومها مره ثانيه ياااااا سوير تقول امي قومي جعلك الموت
ترد سوير..اقول اطلع ولا صكيتك على جبهتك وتوطيت بفرتك الحين..

ويجي مناحي اخوها الكبير ... سوير وجـــــــــــــــــع .. ويعطيها ذيك الرفسه اللي خلت عظامها تهلهل
وبعد هالرفسه القويه ... فزت فزه ما يعلمها الا الله
وقالها مناحي..قومي صلحي فطور عشر دقايق الا وهو جاهز زيــــــــــــــن
شوفي ابي قرص وخبز..
وقامت بعد جهد جهيد وعلى شتم ولعنت الحي والميت حتى ولد عم جد ابوها ما سلم منها
...................
اعزائي القراء نعود الى الاخت الناعمه
..
هذي ما تتغدا الا الساعه 3 ولا 5
لا ولا تتغدى الا على رز ابيض مسلوق وسلطه ...تحافظ على الرشاقه !!!!!!!!!
العربجيه
تتغدا الساعه 12 بالضبط ولا تتغدا الا على كبسه وإذا خلصت ؛ إلا كاس اللبن مراعي متولم عندها تشربه شربه وحده وتطلع ذيك الاصوات المخيفه .. !!!

الناعمه..
طلعتها تكون من بعد صلاة المغرب(ما تطلع في العصر يااااااااااي تحافظ على البشره ؟؟ ( وش هالبشره )
-------------------------------------------

العربجيه..
تطلع الساعه2 القايله وتدقها كعااااااااااابي لبيت خوالها ..
الناعمه..
تروح السوق لازم تشتري ملابس بكره عندها حفله وماتبي تعيد لبسها اللي صديقاتها شافنه
----------------------------------------------------

العربجيه ..
تروح البطحاء وحراج بن قاسم عشان تلقى العرابجه اللي مثلها
--------------------------------------------
الناعمه..

اذا تطلع تطلع مع يارا ولارا<< وخياره>> ورولاوفيفي وميمي ومايا وغيرهم
-----------------------------------------------------
العربجيه ..
تطلع مع بنات خالاتها وضحى وشقحى ومزنه ومنيره وصيته ونوير وعمشه---------------------------------------------------

الناعمه..
اذا شافت واحد حلووووووووو لابس صح وماركات وحركات ومحد قده قالت ..يااااااااااااااااااااي بنات نازرو (((يعني ناظرو هذا الله يسلمكم ماغير من الدلع))) ياربيييييييييه واااااااااو عاد البنت اعجبها الشاب اللطيف هذا تقوم وتمر من عنده وتدفه بكتفها
وإذا دفته بكتفها قالت اووووووووووه آسفه
ويرد عليها .. لا عادي على ايش الاسف عيوني وتبتسم ذيك الابتسامه اللي شقت وجهها وتخزه بهالنظرات وتسلهم بهالعيون وهو دوره ما تلقاه من الحياء !!!!!!!!
-----------------------------------------------------

العربجيه..
لا جات تزين
شخطت هالعيون بهالكحل والبست البرقع وطلعت هي وشقحى ومنيره ومزنه وعمشاء للسوق الداخلي
عاد العربجيه يمر من عندها واحد راكب جيب فكس آآآآآر موديل 2002 وداق شماغه {كوبرى} ويمر بهالجيب ويسوي حركات استعراضيه
وتقول يا بنات تكفـــــــــــــون شوفو يا ويلي ويلاااااااااااااااااه تكفون ياخوياتي
وتقوم بنت الحلال وتقــــــــــــزه قز والرجال راح في خرايطها وعاد لا شافها تقزه قال... يا غزال ارحم حااااااااااالي يا ويلي تكفون يا عربان

الناعمه ..
اذا مر عليها واحد قروي قالت وعــــــــــــــع الله يقرفك ...
نعم وش تبي يالله هناك بلا قراوى

العربجيه ..
اذا مر عليها واحد لا بس بلوزه وبنطلون
وقالها يا حلو عطنى وجه قالت... اقول احسن لك ضف وجهك لا يجيك شيء ما يطيب خاطرك
قال..ليش العصبيه هذي
قالت اقول والله لو ما تضف خشتك لا اتوطى في حوض بطنك ... علم جاك وتعداك ترى ما ابي اغلط عليك
تراك مثل اخـــــــــــــــــــتي(يقالها ما غلطت الحين )
---------------------------------------------------------

الناعمه..
لا جات تضحك هههههههه وتحط يدها على فمهاو يالله تسمعها من النعومه
-----------------------------------------------------

العربجيه..
اذا ضحكت اضحكت كذا ((هع هع هع هع هع ))...الحمد لله والشكر تقول بالعتلها بواري
واذا جات تمزح مع حميد اخوها اعطته كف حلاقه ...
-----------------------------------------

الناعمه..
اذا تحب تسمع اغاني ما تسمع عربي خلقه ما تسمع الا ريكي مارتن
وممثلها المفضل .. توم كروز لوسامته وميل جبسون وجيم كاري لخفة دمهم واحلى ممثله عندها جوليا روبرتس ..
----------------------------------------

العربجيه ..
الاغاني اللي تسمعها خلف بن هذال وحجاب بن نحيت وبشير حمد شنان وعيسى الاحسائي ..
-----------------------------------------------------------------

الناعمه..
لما تتفرج على التلفزيون تجلس على الكنب وتحط رجل على رجل وتبتسم لان الابتسامه تضفي بشاشه على الوجه
---------------------------------------------------------------

العربجيه..
لا جات تناظر التلفزيون { تتابع مسلسل } .. تجلس على الارض وتحط المركا وراها والكراعين على التلفزيون ,
وان زهقت من القناة الاولى دقت التلفزيون باصبع رجلها وحطت القنا ةالثانيه<<والله عايشه حياتها بسهوله
-------------------------------------------------

الناعمه
اذا تبي تحلم احلام اليقظه طلعت برى في الحديقه حقت بيتهم وجلست على الكرسي هزاز وقام الكرسي يروح ويعود وهي تاكل ايس كريم-------------------------------------------------

العربجيه ..
اذا تحلم احلام اليقظه طلعت برى في حوشهم
وفرشت البساط(ابو خمس طعش اللي مخطط باحمر وازرق عرفتوه )
وتكت على المركا وقعدت تفكر في المروخ (شي مختلط من فكس وابو فاس مع حثال قهوه وشوي تمر) وهي يحطونها على الورم0 وتسرح وعيونها مطيرتهن كانها جني


الناعمه ...

تقول لكم تشاووو او سي يو


العربجيه...

تقول برخصتكم وستمارتكم ويلا فارقوااا


وداااعــــــــــــــــــــــا ماركو

تحياتي :

ههههههههههههههههه



يسلموووو ياقلبي

يسلمك ربي ياروحي مشكوره على مرورك اسعدني ونور الصفحه

يسلموووو ياقلبي

يسلمك ربي ياروحي نورتي الصفحه بمرورك

الله يسلمك ياقلبي
الصفحه منوره بوجودك ياعسل

ههههههههههه يسلموووو

يسلمك ربي ياروحي مشكوره على مرورك اسعدني ونور الصفحه

يسلمووووووووووووووووووووووو
موضوع حلووووووووووووووووووو

يسلمك ربي ياالغلا

يسلموو

يسلمك ربي ياالغلا