احبك ماابي غيرك (ياحبيبي)

أحبك قلتها بقلبي .. وباحساسي وبلساني
كثير قلوب ترجيها .. ولكن لا يهمّونك

أحبك ما أبي غيرك .. ولو غيرك ترجّاني
أنا شاريك ما بيعك إذا غيري يسومونك

أموت اشتاق لك كلي .. أبيك تزور أعياني
خفوقي يا غلا ينزف وله واشواق من دونك

أطير من الفرح لا من لفى صوتك وحيّاني
أحس اني أهم الناس لا من قلتلي : شلونك

ألوم النفس لا قلت : بكيت وما أحد جاني
أنا وش عاد يضحكني اذا العالم يبكّونك

إلى منّك تضايقت .. أنا المسؤول والجاني
أنا المفروض ما أرضى أخلّيهم يزعلونك


أحبك زود عن روحي عن اعمامي عن اخواني
وباقي الناس يا عمري .. ترى والله يفدونك

عليم الله لا قلت : ( أحبك ) .. زالت احزاني
واذا قلتلك(انا أحبك موت ) صحت وقلتلي:مجنونك

غدير الحب في قلبك .. حنان ولهفة ارواني
أذوب بهمسة ٍ عذرا .. وأثبت إني مفتونك

أنا في دنيتي تايه .. ولا ادري وين عنواني
ويوم اني عرفتك صار عنواني هو : عيونك

أغار من امك وعمك .. وهذا وذاك .. والثاني
أغار حتى من اخواتك ولا ودّي يشوفونك

منى عيني أضمّك لي وامسّح ذيك الاوجاني
ابوس خدود(ن) يمنى ويسرى تعتلي متونك

عيوني لو تطلبها .. لقيت الكل .. هنّاني
ترى روحي مع عيوني مناهم بس .. يرضونك
م-ن