احلى الصور صورة حبيبيـن عشـاق
لاصـارت بليـا دمـوع ومواجـع
واحلى الصدف لاصارو بدرب الاشواق
ولاصار كل الشوق من قلـب نابـع
وابشع صورهم لاانحجر دمع بأحـداق
عاشق يبي لقيا حبيبـه وجـازع ..!!
هذا انا لاصرت لـك حيـل مشتـاق
وسيرت لك شوقي على الدرب ضايع
حسيت بالفرقـى قبـل لايجـي فـراق
دامك تبـي الفرقـى تعـال نتـوادع
ضيقت صدري وكل هالكون بي ضاق
ماكنت اظـن اخـر لقانـا مـوادع
ماعلمك صدقي معك كيـف تشتـاق
وماعلمك وشلون يبنـى التواضـع
وماعلمك فرْح السما لحظـة اشـراق
وحزن السما للشمس لحظـة تـوادع
وشلون يبدا الفـرْح يسكـن بالاعمـاق
ويعلن شموخ الفـرح بأنـه تراجـع
يعني انتهينا وماحصل لحظـة عنـاق
وقلبي على جال الحزن صار خاضع
تدري حبيبـي مابقـى شـي ينطـاق
[إلا فــــــــراق ٍ صـار مـن قلـب نابـــع ]
موضوع: دامك تبي الفرقا تعال نتوادع 
الأحد أغسطس 16, 2009 11:04 am
